Խանութ

Ապրանքի Նկարագրություն

Ամերիկյան Bausch + Lomb ընկերությունն իր արտադրանքը մշակելիս օգտագործում է ժամանակակից նորարարական տեխնոլոգիաներ, որոնք հնարավորություն են տալիս ստեղծելու այնպիսի կոնտակտային լինզաներ, որոնք ոչ միայն օժտված են գերազանց օպտիկական հատկություններով, այլ նաև չեն առաջացնում տհաճ զգացողություններ կրելու ընթացքում:

Optima FW-ն բարձրորակ օպտիկական լինզաներ են, որոնց պատրաստման հիմքում ընկած է Polimacon ունիկալ նյութը: Վերջինիս շնորհիվ լինզաները լինում են համաչափ և հարթ, ինչը էապես բարելավում է հարմարավետության զգացողությունը և կրճատում է լինզաներին հարմարվելու ժամանակահատվածը` այն հասցնելով ընդամենը մի քանի րոպեի:

Optima FW լինզաներով Ձեր աչքերի տեսողական ընկալումը զգալիորեն կբարելավվի: Իր յուրահատուկ գնդաձև տեսքը Ձեզ թույլ կտա վստահ զգալ հատկապես երեկոյան ժամերին, քանի որ լապտերների կամ լուսարձակների լույսից չեն առաջանա օպտիկական շեղումներ: Այս հատկությունը առավել բարձր կգնահատեն վարորդները:

Optima FW կոնտակտային լինզաների առանձնահատկություններն են`

•   բաղադրության մեջ ջրի պարունակությունը կայունացնում է խոնավության փոխանակությունը և թույլ է տալիս աչքերին արագ հարմարվել օտար մարմնի առկայությանը

•   լինզաների միջով թթվածնի անարգել ներթափանցումը դեպի աչքի եղջրաթաղանթի բջիջներ կանխարգելում է հիպօքսիան` աչքի թթվածնային քաղցը, ինչը հաճախ հանգեցնում է լուրջ հետևանքների

•   լինզաների մակերևույթի ախտահանման նպատակով կարելի է օգտագործել պերօքսիդային հիմքով ցանկացած լուծույթ

•   շահավետ են, ինչը պայմանավորված է լինզաների կրման երկար ժամանակահատվածով (3 ամիս)